"The full use of your powers along lines of excellence."
definition of "happiness" by John F. Kennedy (1917-1963)
Wednesday 2 June 2010
(1) بين الاحلام والواقع خيط رفيع
الاحلام
اة منها الاحلام دى
الاحلام حاجة جميلة وحلوة ومشروعة للناس
يعنى لو انا مثلا حلمت ان امريكا دى مش موجودة على الارض
دا حقى الشرعى
مايجيش بقى سينيتور مش عارف اية من الكوماندوز
اللى دراعهم قد شارع الهرم دول
ويقبض عليا ويرمينى فى السجن بتهمة انى حلمت
ولا لازم يموت صاحبى على الزهار زيى فيلم
اللعب مع الكبار للفنان عادل امام
لكن
لازم بردة ماتكونيش الاحلام شاطحة كبيرة قوى
والا هاتودى صاحبها فى داهية
يعنى ماحديش يقولى هاحلم انى رئيس جمهورية كذا ولا كذا
اة
كدة تروح فى داهية
وتستاهل بقى فرقة كوماندوز
اللى سبق شرح احدهم
ولكن احلم على قدك
واعمل زيى الفنان محمد صبحى فى مسرحية تخاريف
احلموا واحنا علينا تنفيذ احلامكوا
بس ماحديش يحلم حلم يشدنا وراه على ابو زعبل
وعشان كدة لو استعرضت للاحلام الغير ممكنة فيمكن تقول انها قليلة
بالعكس فى زمنا دا بقيت كتيرة
كتيرة بجد
انك تشوف منظر جميل فى الشارع
بقى حلم صعب المنال
انك تشوف انسان وفى للحب والعشق ولامراة امانتة على مشاعرها ويمكن جسدها ايضا
وازاى تخونها او تلعب بها او بمشاعرها
اصبح حلم بعيد المنال ايضا
ان تحلم بانك تشوف الحياة سهلة
حلم مستحيل التحقق
ولكن طالما جوانا الامل
مافيش حاجة اسمها الاحلام المستحيلة
واكيد اكبر حلم لينا على هذه الارض ولو على الاقل حاليا
اننا نشوف فلسطين محررة من المغتصبين
ويمكن الحلم دا اخد مننا الكثير
اخد مننا ارواح شهداء نحسبهم عند الله شهداء
فمن عام 1948
ونحن نقتل ونموت ونستشهد على اسوار تلك الارض
وحتى من قبل ذلك
من ايام بلفور ومن قبل ذلك ايضا
والله اعلم هل سنموت قبل ان نزور تلك الارض
الله اعلم بذلك
دى احلام الجميع تقريبا
ولكن احلامى انا بسيطة قوى
احلامى عاملة زيى اطفال فلسطين
ياكلوا ويناموا فى حب وحنان وامان
اذا توفرت تلك الشروط فانا انسان
لى امتيازات وعليا شروط والله انفذها بعيونى
بس اخدها
ولا اية؟
Subscribe to:
Posts (Atom)